RÁÐSTAFANIR VEGNA COVID-19 HJÁ MIÐSTÖÐ ÚTIVISTAR OG ÚTINÁMS

Fjölskyldu- og húsdýragarðurinn hefur hætt móttöku á hópum um óákveðin tíma.

Heimsókn 3.bekkjar í Fjölskyldu- og húsdýragarðinn

Húsdýragarðurinn býður nemendum 3.bekkjar í heimsókn í garðinn. Verkefnið sem verður boðið upp á er um húsdýrin á Íslandi en sú heimsókn tengist einstaklega vel því sem nemendur hafa verið að fjalla um á yngsta stiginu í grunnskólanum m.a. Komdu og skoðaðu hvað dýrin gera og vefinn um íslensku húsdýrin. Í heimsókninni verður áhersla  lögð á lifnaðarhætti dýranna og nytjar af þeim.

Þar sem þessi heimsókn tengist að öllu leyti því námsefni sem verið er að kenna um íslensku húsdýrin þá mælum við með því að nemendur verði þegar byrjaðir að vinna með það þegar þeir koma í heimsókn í garðinn þannig að hún nýtist þeim hvað best.

Þessi tiltekna heimsókn er frábrugðin öðrum heimsóknum sem Húsdýragarðurinn hefur verið að bjóða upp á undanfarin ár en hún felst m.a. í lengri og ýtarlegri leiðsöng og að nemendum og kennurum verður boðið upp á möguleikann á að borða hádegismat í garðinum.

Þar sem þessi ákveðni nemendahópur mun ekki nýta sér hádegismatinn í skólanum þann daginn þá fær hann tækifæri til að borða mat í garðinum sér að kostnaðarlausu. Til þess að þetta gangi upp þá þarf að afskrá nemendahópinn þennan tiltekna dag sem þeir eru í garðinum úr matarinnkaupum í skólanum sínum og matarinnkaupin flytjast yfir á Húsdýragarðinn.

Ferðastyrkur að upphæð kr. 20.000,- er í boði til þeirra skóla sem vilja nýta sér rútu til að komast á staðinn.

Skráðu þig með því að velja dagsetningu í dagatalinu hér til hliðar.

Upplýsingar um heimsóknina;

  • Tímabil heimsókn er frá 6.janúar nk. til 30.mars nk.
  • Tekið er á móti hópum á mánudögum, miðvikudögum og föstudögum.
  • Fræðsla hefst stundvíslega kl. 09:30 og er til ca. kl. 10:30.
  • Fjöldi nemenda í hverri heimsókn getur verið að hámarki 48. Ef fjöldi nemenda er meiri en 25 þá verður þeim skipt niður í tvo minni hópa.
  • Frjáls tími nemenda með kennurum er frá kl. 10:30 til 11:00.
  • Allur nemendahópurinn hittist aftur kl. 11:00 við selalaugina en þar mun starfsmaður garðsins fóðra selina og miðla smá fróðleik.
  • Hádegismatur verður borin fram kl. 11:15 í stóra veitingatjaldinu fyrir þá sem hafa óskað eftir að nýta sér þann möguleika.