Ráðstafanir vegna COVID-19 hjá Miðstöð útivistar og Útináms

Öllum heimsóknum í Perluna hefur verið frestað til 15.apríl, eða þegar meiri upplýsingar berast frá Almannavarnanefnd.

Velkomin í Perluna

Í samstarfi við Reykjavíkurborg mun Perla norðursins og Náttúruminjasafn Íslands bjóða nemendum í grunnskólum borgarinnar í fræðslu á náttúrusýningu Perlunnar.

Náttúrusýningin í Perlunni hefur það að markmiði að gera íslenskri náttúru hátt undir höfði og gera gestum kleift að njóta undra hennar innan borgarinnar. Tæknin er nýtt til að skapa einstaka upplifun og deila fræðsluefni á nýjan og spennandi hátt.

Nemendur í 6. og 9. bekk er boðið í heimsókn á sýninguna Undur íslenskrar náttúru og Vatnið í náttúru Íslands en þessar tvær sýningar tengjast vel námsefni nemenda á þessum tveimur skólastigum.

Í Aðalnámskrá grunnskóla skiptast hæfniviðmið um viðfangsefni  nemenda niður í fimm eftirfarandi þætti;

  • Að búa á jörðinni.
  • Lífsskilyrði manna.
  • Náttúra Íslands.
  • Heilbrigði umhverfisins.
  • Samspil vísinda, tækni og þróunar í samfélaginu.

Þessi hæfniviðmið tengjast mjög vel fræðslunn  sem Perlan býður upp á.

Heimsóknirnar  hefjast þann 16. september og verða til 11. maí n.k. en þeim verður skipt niður í tvær lotur;

  • 6. bekkur frá 16. september til 16. janúar 2020.
  • 9. bekkur frá 20. janúar til 11. maí 2020.

Heimsóknin er frá kl. 09:00 til kl. 10:45 alla virka daga á þessu tímabili fyrir utan vetrar- og páskaleyfi.

Hámarksfjöldi nemenda í hverri heimsókn eru 50 börn.

Ferðastyrkur að upphæð 20.000 kr. er í boði til þeirra skóla sem vilja nýta sér rútu til að komast á staðinn.