Perlan og Náttúruminjasafn Íslands
Námsheimsóknir fyrir 6. bekk
Perlan og Náttúruminjasafn Íslands
Miðstöð útivistar og útináms heldur utan um námsheimsóknir grunnskólanema í Perluna fyrir hönd Reykjavíkurborgar og skóla- og frístundasviðs Reykjavíkur.
Heimsóknin stendur nemendum 6. bekkja í Reykjavík til boða vorönn 2027 og er án endurgjalds.
Markmið heimsóknarinnar er að gefa nemendum tækifæri til að dýpka skilning sinn á samspili manns og náttúru með góðri upplifun og fræðslu á gagnvirkum náttúrusýningum Perlunnar og Náttúruminjasafns Íslands.
Námsheimsóknir vorönn 2027
Heimsóknartímabil: 4. janúar til 27. maí 2027.
Hámarksfjöldi nemenda í hóp: 30 nemendur.
Lágmarksfjöldi kennara með hóp: 2 kennarar auk viðeigandi stuðnings með nemendum.
Safnkennari Náttúruminjasafns Íslands tekur á móti hópi við komu í Perluna og leiðir fræðslu og verkefni á sýningu um Vatnið í náttúru Íslands. Kennarar fá, að því loknu, verkefnablöð frá Perlunni og leiða hópa sína sjálfir í gegnum náttúrusýningar Perlunnar.
- Vatnið í náttúru Íslands – verkefni
- Fróðleiksbrunnur – Fræðsluvefur náttúrusafns Íslands
Bókanir 6. bekkur 2027
Boðið er upp á heimsóknir í Perluna vorönn 2027 á mánudögum, þriðjudögum og miðvikudögum kl. 09:30-11:00.
Athugið að:
- Kennarar bera alfarið ábyrgð á nemendahópi sínum í Perlunni.
- Skólahópum, líkt og öllum hópum, ber að sýna kurteisi og tillitssemi í umgengni við aðra gesti Perlunnar svo upplifun allra sýningargesta verði góð.
- Ekki er hægt að leyfa nemendum að snæða nesti í Perlunni á heimsóknartíma.
