Verkefnakista MÚÚ
Vinatré
Grunndvallarþættir menntastefnu Reykjarvikur:
FélagsfærniSjálfseflinguLæsiSköpun og heilbrigði
Árstími:
SumarHaustVeturVor
Aldur:
LeikskólastigYngstastigMiðstigUnglingastig
Timi:
3 - 4 klst.

Staðsetning:
Hvar sem erSkólalóð/garðurSkógurFjaraVið eldstæði
Vidfangsefni:
Stutt lýsing:
Vinatré úr greinum.
Meginmarkmið:
Föndurveita MÚÚ
Skógartengt útinám er heillandi viðfangsefni og ómissandi þáttur útikennslunnar. Í slíku námi er lögð áhersla á gróður, tré og skóga, vistfræði þessa umhverfis ásamt því dýralífi sem býr og lifir í skógum. Þá gefur skógartengt útinám tækifæri til að nota skógarefni til handverks og föndurvinnu.
Að gefa nemendum þannig tækifæri til að handleika og vinna beint úr náttúrulegum skógarvið gefur okkur tækifæri til að koma nær uppruna efnisins og fá sterka tenginu við umhverfið og afurðir skógarins. Um leið og lært er og leikið í skógi klæddu umhverfi eða á öðrum grónum svæðum fást skemmtileg og þroskandi verkefni með því að nota og smíða úr því efni sem skógurinn gefur.
Efnisveita MÚÚ hefur þann tilgang að hafa á boðstólum skógarefni, trjáboli og greinar í ólíkum sverleikum. Efnið er þurrt eða óþurrkað og kemur frá grisjun á almenningsgörðum og útivistarsvæðum í Reykjavík og styður þannig við sjálfbæra þróun og nýtingu skógarafurða.
Fjölmargar föndurhugmyndir eru aðgengilegar í bókum og af netinu, en til að hvetja kennara og leiðbeinendur til að notfæra sér Efnisveituna eru hér nokkrar hugmyndir að skemmtilegu handverki.
Þar er verkefnunum lýst, efnisnotkun og vinnuferli. Hvaða verkfæri eru notuð og annað sem máli skiptir. Auðvitað eru fjölmargar aðrar hugmyndir til og ekki nauðsynlegt að fara eftir þessum framlögðu ráðleggingum því altaf er hægt að fara margar leiðir að sama marki
Grunnur þessara hugmynda byggist á því framboði og því efni sem Efnisveita MÚÚ vill ætíð hafa tiltækt í Gufunesbæ. Hjá Efnisveitunni er bæði hægt að nálgast efnið alveg óunnið eða fá efnið afhent niður sagað í ákveðnar stærðir, hentugan sverleika og þykktir sem miðast við tiltekin verkefni.

Framkvæmd:
Lýsing
⦁ Trjábúturinn (fóturinn) er sagaður niður í hæfilega stærð. Ath. að saga botnflötinn í 90° og pússa hann vel svo fóturinn standi stöðugur.
⦁ Beinvaxin sterk grein (2 – 3 cm) valin og borað passlegt gat í miðjuna á fætinum. Ath. að greinin er síðan límd síðar í fótinn.
⦁ Greinabútarnir sem mynda greinar trésins eru sagaðar í passlegar lengdir. (50 – 20 cm)
⦁ Skífurnar eru sagaðar til
⦁ Greinarnar og skífurnar festar á „stofninn“ með skrúfum eða nöglum. Gott getur verið að tálga sæti fyrir bæði greinar og skífur.
⦁ Vinatréð tilbúið að límast í fótinn.
⦁ Síðan er hægt að festa kveðjur og kærleiksorð á tréð

Áhöld-efni:
Efniviður
⦁ Trjábútur (10 – 15 cm sver og 20 – 30 cm hár) fyrir fótinn
⦁ Beinvaxin sterk grein eða mjór trjástofn (2-3 cm) 50 – 70 cm langur fyrir stofninn í Vinatrénu
⦁ 7 – 10 greinabútar í mismunandi stærðum frá 50cm – 20sm á lengd
⦁ 7 – 10 skífur sem eru 5 – 7 cm í þvermál. 1.0 – 1,5 cm á þykkt.

Verkfæri
⦁ Handsög eða rafmagns „kúttari“
⦁ Sandpappír eða lítill „juðari“
⦁ Tálguhnífar eða útskurðarjárn
⦁ Borvél og borar
⦁ Skrúfjárn, skrúfvél eða hamar
⦁ Litir eða málning
⦁ Pappír, ritföng eða litir


Myndar Safn:

Hægt er að Senda inn Myndir til sýnis á verkefni

Myndir birtast á verkefni eftir að starfsmaður hefur samþykkt þær

Dagsetning
2021-29-03
Höfundur
MÚÚ - Miðstöð útivistar og útináms
Netfang
muu@reykjavik.is